Goranboy Suvarma Sistemləri İdarəsi Goranboy rayonunun 61740 ha əkin sahələrinin suvarılmasına xidmət edir. Bundan əlavə olaraq əkin üçün istifadə olunan 4000 ha örüş sahəsi, 10500 ha Dövlət fond torpaqları, 7000 ha bələdiyyə torpaqları olmaqla daha 21500 ha əkin sahələrinin suvarılması da idarənin üzərinə düşür ki, faktiki olaraq idarə tərəfindən rayonun 83240 ha əkin sahələrinin suvarılması təmin olunur. Əkin sahələrinin su təminatının yaxşılaşdırılması, sahələrə suvarma suyunu daha asan və itkisiz çatdırılması üçün torpaq məcralı kanallar daim lildən təmizlənir. Bunun üçün idarənin texnikaları bir-neçə istiqamətdə bu işləri icra edir. Hazırda yağan leysan yağışları nəticəsində təkrar lillənməyə məruz qalan kanallar da lildən təmizlənərək suyun axını təmin olunur.
İdarənin balansında olan əkin sahələrinin suvarılmasına 968 ədəd subartezian quyusu, 16 ədəd nasos stansiyaları, Sol Sahil Tərtər kanalı, Şəmkir Maşın kanalı, Kürəkçay çayı, Qaragoran və İnçə çayları xidmət edir. Bu il subartezian quyularının 15 ədədinin bərpasına başlanılıb. Yaxın günlərdə isə 10 ədəd yeni subartezan quyularının qazılmasına başlanacaqdır. 2023-cü ilin 6 ayı ərzində 480 ədəd subartezan quyusunun nasosları təmir olunaraq quyunun iş rejimi yenidən bərpa olunub, 35 subartezan quyusuna yeni nasoslar salınıb. Bu iln 6 ayı ərzində daxili Səfikürd nasos stansiyasının boru xəttində 55 metr, 1 nömrəli Borsunlu nasos stansiyasının boru xəttində 70 metr, Boluslu nasos stansiyasının boru xəttində 40 metr, Qızılhacılı nasos stansiyasının boru xəttində 55 metr təmir işləri görülərək, boru xətlərində olan nasazlıqlar aradan qaldırılıb.
Qeyd edək ki, Goranboy Suvarma Sistemləri İdarəsi tərəfindən 2023-cü ilin 6 ayı ərzində torpaq su kanallarında 330000 kub metr lildən və kolkosdan təmizləmə işləri görülüb, o cümlədən 32000 kub metr çay məcralarında tənzimləmə işləri həyata keçirilib.
19.07.2023 09:19
