Torpaq mülkiyyətçiləri və femerləri vaxtında və itkisiz suvarma suyu ilə təmin etmək məqsədi ilə Siyəzən Suvarma Sistemləri idarəsi tərəfindən yeni mövsümə hazırlıq işləri davam etdirlir. Bu məqsədlə idarənin əməkdaşları tərəfindən torpaq kanallar lil və kol-kosdan təmizlənir, hidrotexniki qurğularda cari təmir işləri görülür. Onuda qeyd edək ki, Siyəzən rayonunda 247 km uzunluğunda suvarma kanalları mövcuddur. Hər il plan-qrafikə uyğun olaraq torpaq məcralı kanallar beton üzlüyə alınır. Ötən il 2200 metr uzunıuğunda Zarat kanalının beton üzlüyə alınması nəticəsində 100 hektardan artıq sahənin suvarma suyu ilə təminatı yaxşılaşıb.
Yeni suvarma mövsümünə hazırlıq məqsədi ilə həmçinin rayonun Balaca Həmyə kəndi ərazisində qapalı boru xətti yenisi ilə əvəz edilir. Görülən iş nəticəsində qeyd olunan ərazidə 100 hektardan artıq sahənin suvarılması daha da yaxşılaşacaq.
Qeyd edək ki, Siyəzən rayonunda 12-min hektardan çox suvarılan ərazi mövcuddur. Rayonun əsas suvarma mənbəyi Samur-Abşeron kanalı, Taxtakörpü-Ceyranbatan kanalı, Gil-gilçay və Ataçay çaylarıdır. Sahələr suyu vaxtında və itkisiz çatdırmaq məqsədilə son dövrlər rayonda 1685-ədəd hidrotexniki qurğu, 198-min 286 metr uzunluğunda qapalı supaylayıcı şəbəkə, üzərində 118 ədəd hidrotexniki qurğu olan 24 min 103 m uzunluğunda beton üzlüklü açıq suvarma kanalı və 2300 hektar ərazini əhatə edən 26-kilometr açıq, 121-kilometr isə qapalı drenaj şəbəkəsi çəkilib.
27.02.2023 09:18
